ÇIKLIZËM 3: Fushë Draç · Bizë · Lalëz · Ishëm · Ahmetaq · Vorë

Tur me biçikletë që kombinon peisazhe fushore, kodrinore dhe malore. Një eksplorimi i plotë i terrenit të larmishëm të rajonit të Durrësit.

Nisja dhe Ngjitja:

Nisemi nga Fushë Draç dhe fillojmë ngjitjen graduale në drejtim të fshatit Bizë. Vazhdojmë rrugën e asfaltuar me ngritje dhe zbritje të lehta në drejtim të Ishmit duke përshkruar fshatrat Bizë dhe Lalëz.

Atraksionet Kryesore:

• Kalaja e Ishmit – Objekt i trashëgimisë kulturore
• Përkujtimore e Ibrahim Kodrës – Piktor shqiptar i njohur ndërkombëtarisht
• Pamje mahnitëse të zonës detare
• Peisazhe fushore të Krujës
• Panorama e Durrësit nga lartësia

Zbritja dhe Përfundimi:

Fillojmë zbritjen në disa seksione me pjerrësi të fortë në drejtim të Kullës. Mandej vazhdon rruga e asfaltuar dhe fushore në drejtim të Bubq – Budull, Ahmetaq, kryqëzimi i Rinasit deri në Vorë për t’u akomoduar sipas dëshirës në hotelet përreth.

I gjithë turi shoqërohet me peisazhe të mrekullueshme dhe një kombinim relievi: fushor, kodrinor, malor.

Vështirësia:

Tur i vështirë për shkak të ngjitjeve dhe zbritjeve të shumta. Kërkon kondicion fizik të mirë dhe biçikletë të përshtatshme për terrene të larmishme (road bike ose mountain bike).