ITINERARI 1: Currila · Porto Romano · Bisht Pallë

Ky tur është një nga më të bukurit në rajonin e Durrësit, dhe është i përshtatshëm për të gjitha moshat.

Nisja bëhet pranë Amfiteatrit të Durrësit në drejtim të Currilave duke kaluar poshtë Vilës së Mbretit “Zog I”, pranë Muzeut Arkeologjik dhe Universitetit të Durrësit. E gjithë rruga është e asfaltuar dhe në anë të saj ka ndërtime dhe restorante të shumta.

Rruga nga Currilat tek Bisht Palla

Nga Currilat, tek ish-kampi i punëtorëve, rruga është e përshtatshme dhe për ecje dhe për makina dhe kalon nëpër një peisazh të përsosur detar, kodrinor ku në breg ndodhet dhe një port i vogël varkash i njohur si “Porti i Gjermanit”.

Peisazhi i bukur detar me kodrina me pisha e shkurre bregdetare si dhe taraca ullishtash që vazhdojnë deri tek Hidrovori.

Nga Hidrovori (Kalaja) në drejtim të Bishtit të Pallës ku dhe mund të akomodoheni, kalohet nëpër portin e mallrave dhe depozitave të karburanteve, nëpër peisazhe natyrore e kështu vazhdon ecja deri tek pika turistike e Bishtit të Pallës.

Çfarë do të shihni:

• Vila e Mbretit Zog I
• Muzeu Arkeologjik i Durrësit
• Universiteti i Durrësit
• Porti i Gjermanit
• Kodrina me pisha dhe ullij
• Hidrovori (Kalaja)
• Peisazhe bregdetare spektakolare
• Bisht Palla – destinacion turistik